Të ketë një punë të mirë? Një jetë të rehatshme? Apo ndoshta të ndjekë një karrierë të caktuar?
Shpresoj që jo. Sepse kjo botë, në sytë e Allahut, është më e pavlerë sesa një ngordhanë.
Jabir b. Abdullahu transmeton se i Dërguari i Allahut (sal-lAllahu alejhi ue sel-lem) kaloi përmes tregut, duke ardhur nga drejtimi i ‘Alijes, ndërsa njerëzit ishin në të dy anët e tij.
Aty pa një qengj të ngordhur, që kishte veshë shumë të shkurtër. E kapi për vesh dhe tha:
“Kush nga ju do ta blinte këtë për një dirhem?”
Ata thanë: “As edhe më lirë nuk do ta blinim, sepse nuk na hyn në punë.”
Ai tha:
“Po sikur t’jua jepnin falas, a do ta donit?”
Ata u përgjigjën:
“Për Allahun, edhe sikur të ishte i gjallë, nuk do ta donim, sepse ka një të metë – veshët shumë të shkurtër; e tani është edhe i ngordhur!”
Atëherë i Dërguari i Allahut (paqja qoftë mbi të) tha:
“Pasha Allahun! Kjo botë është më e pavlerë te Allahu sesa ky i ngordhur në sytë tuaj.”
(Sahih Muslim, libri 42, hadithi 705 – përkthim sipas Sherif Ahmetit)
Ëndrra ime më e madhe
Të takohemi sërish në Xhenet. Kjo është ëndrra ime më e madhe për fëmijët e mi.
Mendo pak: sado të pasur apo të famshëm të bëhen fëmijët tanë, nuk ka dobi nëse nuk e njohin Zotin e tyre, nëse nuk mësojnë si ta adhurojnë Atë.
Çfarë vlere ka një diplomë universitare nëse nuk e njohin Zotin e tyre (Rabb-in)? Çfarë vlere ka një karrierë e suksesshme, nëse goja e tyre flet fjalë të ulëta?
Mjafton që fëmijët tanë të rriten duke njohur Zotin e tyre, duke iu dorëzuar Atij.
Kjo është mjaftueshme.
